TXF Global 2024: Қазақстан экономикасына шетелдік инвестиция тартудың жаңа жолдары
Афинада «Global 2024: Export, Project & Development Finance» экспорт және сауданы қаржыландыру саласындағы ең ірі халықаралық іс-шара өтті. Іс-шара аясында «Бәйтерек» ҰБХ» АҚ және «Қазақстанның экспорттық-кредиттік агенттігі» АҚ ел экономикасына инвестиция құюға қызығушылық танытқан әлемнің ірі қаржы институттарымен бірқатар кездесу өткізді.
Қазақстанның экспорттық-кредиттік агенттігі Басқарма төрағасының орынбасары Аян Бектібаева Орталық Азия тақырыбына арналған «The Peloponnese: Regional Workshops» дөңгелек үстеліне модератор болды. Жиында ынтымақтастық орнатылуы мүмкін салалар, инвесторларға көрсетілетін қолдау құралдары айтылды. Одан бөлек, Қазақстанмен бизнес жүргізгісі келетін барлық мүдделі топ үшін сұрақ-жауап сессиясы өткізілді.
Сонымен қатар «Бәйтерек» Ұлттық басқарушы холдингі мен Қазақстанның экспорттық-кредиттік агенттігінің делегациясы J.P. Morgan Bank, Exim, KUKE, АКА Bank, Helaba Bank, CITI, ATIDI, UK Export Finance, ING Bank, Euler Hermes, Société Générale, Oddo-BHF Bank, DZ Bank, BGK Bank сынды қаржы секторы мен экспорттық қаржыландырудың көшбасшыларымен және OECD, Standard Chartered өкілдерімен кездесу өткізді.
ҚР Үкіметінің негізгі институты – «Бәйтерек» холдингінің қатысуымен өткен кездесулер шетелдік сарапшыларға Қазақстан нарығы және оның мүмкіндігі, өңірдегі ынтымақтастықты дамыту бойынша шынайы және мазмұнды ақпарат алуға мүмкіндік берді.
